VIWAWA Buhongwa
VIWAWA ni jumuiya ya vijana wa Kitume katika Parokia ya Mt. Monica Buhongwa, tukishiriki katika Injili, malezi, ibada na matendo ya huruma.
LEARN MORE
Viwawa ni chama cha Vijana Wakatoliki Wafanyakazi Tanzania, kwa lugha ya Kiingereza (Tanzania Young Catholic Workers Movement – T.Y.C.W), ni Chama cha Kitume cha Vijana ambao wanatumwa na Kanisa ili kuendeleza kazi aliyoianza Kristu Yesu. VIWAWA ni Chama cha Vijana na kinaendeshwa na Vijana wenyewe
Tunaamini kuwa msingi mkuu wa kijana wa Kikristo ni uhusiano wake wa karibu na Mungu. Kupitia semina za vijana, sala za rozari za pamoja, na vipindi vya mafundisho ya Kanisa, tunawajengea vijana maadili mema yanayoendana na misingi ya Kikristo.
VIWAWA Buhongwa haipo kwa ajili ya kusali pekee, bali pia tunajihusisha na shughuli za kijamii na kusaidiana wakati wa shida na raha. Tunajenga udugu wa dhati miongoni mwa vijana wetu ili kila mmoja ajisikie yuko nyumbani.
Tunakuza vipaji vya vijana kupitia mashindano ya mpira wa miguu, netiboli, kwaya, na maigizo. Michezo inasaidia kuweka afya bora, kujenga ushirikiano, na kuepusha vijana na vishawishi vya makundi mabaya mtaani.
2026-08-07 02:21:10
Zoezi la Kwaya Ya Vijana litaendelea siku ya Jumamosi mara baada ya kutoka kwenye sala za Jumuiya. tutakutana eneo la Kanisa jipya
